04.06.2026 | 15:18
ՌԴ ԱԳՆ-ն Հայաստանից ապրանքների ներմուծման սահմանափակումները բացատրել է բուսասանիտարական նորմերով
Լեռնային Ղարաբաղում բնակվող 30.000 երեխաները տառապում են սննդի պակասից. Աննա Հակոբյանը՝ Կիևում. ՏԵՍԱՆՅՈՒԹ
07.09.2023 | 09:19
Լեռնային Ղարաբաղում բնակվող 30.000 երեխաները տառապում են սննդի պակասից։ Այս մասին երեկ Կիևում ունեցած ելույթում ասել է ՀՀ վարչապետի տիկին Աննա Հակոբյանը։ «Գագաթնաժողովի ժամանակ խոսեցի խաղաղության, ապագա սերունդներին ավելի լավ աշխարհ ժառանգելու մասին։ Բարձրացրեցի Լաչինի միջանցքի բլոկադայի արդյունքում 30 հազար հայ երեխաների իրավունքների ոտնահարման և կյանքի անմարդկային պայմանների հարցը»,- ֆեյսբուքյան էջում գրել է Հակոբյանը։
Հիշեցնենք՝ Վարչապետ Նիկոլ Փաշինյանի կինը՝ Աննա Հակոբյանը, սեպտեմբերի 6-ին Կիևում մասնակցել է առաջին տիկնանց և պարոնների ամենամյա գագաթաժողովին, որն անցկացվում է Ուկրաինայի առաջին տիկին Օլենա Զելենսկու նախաձեռնությամբ։
Առաջին տիկնանց և պարոնների գագաթնաժողովը աշխարհի առաջին դեմքերի ամուսինների միջազգային ասոցիացիան է, որը հիմնադրվել է Ուկրաինայի նախագահի կնոջ՝ Օլենա Զելենսկայի կողմից 2021 թվականին՝ փորձի փոխանակման և աշխարհում մարդկանց բարօրության համար համատեղ ծրագրեր իրականացնելու նպատակով։ Առաջին և երկրորդ գագաթնաժողովները կայացել են համապատասխանաբար 2021 և 2022 թվականներին։
Մանրամասները՝ տեսանյութում։
