02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Ալիևի և նրա պաշտոնյաների կողմից օգտագործվող լեզուն կասկած չի հարուցում նրանց ցեղասպանական մտադրության մասին. Դեյվիդ Ֆիլիպս․ ՏԵՍԱՆՅՈՒԹ
Քաղաքականություն
06.09.2023 | 22:23
ԱՄՆ Կոնգրեսի Թոմ Լանթոսի անվան Մարդու իրավունքների հանձնաժողովում Ադրբեջանի կողմից Լաչինի միջանցքի շարունակվող շրջափակման հետևանքով Լեռնային Ղարաբաղում տիրող իրավիճակի վերաբերյալ լսումներում Ջորջթաունի համալսարանի պրոֆեսոր Դեյվիդ Ֆիլիպսը նշեց, որ Ադրբեջանի նախագահ Իլհամ Ալիևի և նրա պաշտոնյաների կողմից օգտագործվող լեզուն կասկած չի հարուցում նրանց ցեղասպանական մտադրության մասին։
Ըստ նրա՝ իրավապաշտպանները, միջազգային կառույցները, անկախ մեդիան ահազանգ են հնչեցնում։
«Առաջարկները, որ ես արել եմ հունիսին, այդ թվում՝ պատժամիջոցները, 907 ակտը, հումանիտար միջանցքի ակտը, Մագնիտսկու ակտը պետք է կիրառվեն։ ԱՄՆ-ը պարբերաբար կոչ է անում բացել Լաչինի միջանցքը, որոնց հաջորդել են Ադրբեջանի կողմից հրադադարի խախտումներն ու երեք հայերի կորուստը»,- նշեց Ֆիլիպսը։
Նա ընդգծեց, որ պաշտոնյաների ու Ադրբեջանի կոռուպցիոն ղեկավարության նկատմամբ պատժամիջոցներն ավելի արդյունավետ կլինեն։
Ֆիլիպսը նաև հայտնեց, որ Արցախում Ադրբեջանի իրականացրած վայրագությունների հավաքագրման ծրագիր է իրականացնում։ Այն տեղեկություններ է պարունակում Ադրբեջանի էթնիկ զտումների քաղաքականության մասին։
Ֆիլիպսն անդրադարձավ նաև Ադրբեջանի զինված ուժերի կողմից Արցախյան 44-օրյա պատերազմում, սեպտեմբերի 13-ին ՀՀ-ի նկատմամբ ագրեսիայի ժամանակ իրագործած պատերազմական հանցագործություններին, ինչպես նաև Բաքվում պահվող հայ ռազմագերիների նկատմամբ հումանիտար իրավունքների խախտմանը, ապօրինի դատավարություններին։
Մանրամասները՝ տեսանյութում։
Էմմա Չոբանյան
