15.07.2026 | 21:11
ՄԻՊ-ը ԵԽ պատգամավորի հետ քննարկել է ատելության խոսքի և իրավունքների պաշտպանության հարցերը
Ես տեսնում եմ, որ դա ցեղասպանություն է, և հիմա տեղի է ունենում. Օկամպոն՝ Արցախի հարցով Կոնգրեսի լսումներին․ ՏԵՍԱՆՅՈՒԹ
Քաղաքականություն
06.09.2023 | 21:53
ԱՄՆ Կոնգրեսի Թոմ Լանթոսի անվան Մարդու իրավունքների հանձնաժողովում լսումներ են անցկացվում Ադրբեջանի կողմից Լաչինի միջանցքի շարունակվող շրջափակման հետևանքով Լեռնային Ղարաբաղում տիրող իրավիճակի վերաբերյալ։
Միջազգային քրեական դատարանի նախկին դատախազ Լուիս Օկամպոն կարևորեց նիստի հրատապությունը՝ նշելով, որ Լեռնային Ղարաբաղի հայերն իրենց կարիքն ունեն, և քանի որ նախկինում՝ 1915 թվականին ցեղասպանություն արդեն տեղի է ունեցել։
«Իմ զեկույցի մասով՝ ես տեսնում եմ, որ դա ցեղասպանություն է, և հիմա այն տեղի է ունենում։ Մարդիկ կարծում են, որ ցեղասպանությունն անպայման զոհեր է պահանջում, սակայն կարող է լինել նաև առանց զոհերի մեթոդը։ Օրինակ՝ մարդկանց համար սովամահության պայմանների ստեղծումը։ Ես կարծում եմ, որ դա ասում է նաև Արդարադատության միջազգային դատարանը»,- ասաց Օկամպոն։
Ըստ նրա՝ ցեղասպանության համար հաջող քայլը մտադրություն է, իսկ Ադրբեջանի նախագահն ու մյուսները, Օկամպոյի խոսքով, ունեն ցեղասպանության մտադրություն։
«Դեկտեմբերին սկսվել է Լաչինի միջանքի շրջափակումը։ Հունվարին պետքարտուղար Բլինքենը դիմել է Ալիևին՝ բացելու միջանցքը։ Նա չի արել։ Այնուհետև հետևել է Արդարադատության միջազգային դատարանի որոշումը, որը ևս չի կատարվել։ Փոխարենը, նա անվտանգության ուժերով է հիմա արգելափակում միջանցքը։ Նա գիտի, որ դա կարող է հանգեցնել մահվան դեպքերի։ Այստեղ էլ մտադրությունն է»,- նշեց Օկամպոն։
Նա հավելեց, որ հրատապ քայլեր է պետք ձեռնարկել՝ կանխելու այս ցեղասպանութունը, ինչպես նաև դրա ժխտումը։
Մանրամասները՝ տեսանյութում։
Էմմա Չոբանյան
