18.02.2026 | 23:28
Ստեփանծմինդա-Լարս ավտոճանապարհը փակ է
Բլինքենն Ալիևի հետ հեռախոսազրույցում կրկնել է Լաչինի միջանցքը բացելու կոչը
Քաղաքականություն
06.09.2023 | 18:22
ԱՄՆ պետքարտուղար Էնթոնի Բլինքնեը սեպտեմբերի 1-ին հեռախոսազրույց է ունեցել Ադրբեջանի նախագահ Իլհամ Ալիևի հետ ու քննարկել Արցախում իրավիճակը։ Հեռախոսազրույցի մասին հաղորդագրությունը Պետքարտուղարությունը հրապարակել է այսօր։
«Պետքարտուղարն արտահայտել է Միացյալ Նահանգների մտահոգությունը Լեռնային Ղարաբաղում հումանիտար իրավիճակի վատթարացման կապակցությամբ։ Նա կրկնել է մեր կոչը՝ վերաբացել Լաչինի միջանցքը մարդասիրական, առևտրային և ուղևորափոխադրումների համար՝ միաժամանակ ճանաչելով Ադրբեջանից լրացուցիչ երթուղիների կարևորությունը»,- ասվում է հաղորդարության մեջ։
ԱՄՆ պետքարտուղարը նաև ընդգծել է երկխոսության և փոխզիջման անհրաժեշտությունը, կողմերի միջև վստահության ձևավորման կարևորությունը։ Նա խոստացել է ԱՄՆ-ի շարունակական աջակցությունը խաղաղության գործընթացին։
Ուշագրավ է, որ այս հեռախոսազրույցի մասին ադրբեջանական կողմը տեղեկություն չի հաղորդել։
Էմմա Չոբանյան
