15.09.2026 | 15:10
Միրզոյան-Բայրամով նոր հանդիպում է նախատեսվում // ԲՀԿ-ն կշարունակի քաղաքական գործունեությունը․ ԼՈՒՐԵՐ
Վաշինգտոնը պատրաստվում է խորապես ներգրավված մնալ ԼՂ հակամարտության կարգավորմանը ու կոչ է անում անհապաղ վերաբացել Լաչինի միջանցքը
Քաղաքականություն
06.09.2023 | 11:11
Պաշտոնական Վաշինգտոնը պատրաստվում է խորապես ներգրավված մնալ ԼՂ հակամարտության կարգավորմանը և կոչ է անում անհապաղ վերաբացել Լաչինի միջանցքը։ Այս մասին ճեպազրույցի ընթացքում հայտարարել է Պետքարտուղարության խոսնակի տեղակալ Վեդանտ Պատելը:
«Մենք խորապես անհանգստացած ենք Լեռնային Ղարաբաղում մարդասիրական պայմանների վատթարացմամբ՝ սննդամթերքի, դեղորայքի և այլ առաջին անհրաժեշտության ապրանքների մուտքի շարունակական արգելափակման հետևանքով։ ԱՄՆ-ը շարունակաբար աշխատել է կողմերի հետ վերջին մի քանի շաբաթների ընթացքում, որպեսզի հումանիտար օգնությունը հասնի Լեռնային Ղարաբաղի բնակչությանը, և մենք կրկնում ենք մեր կոչը՝ անհապաղ վերաբացել Լաչինի միջանցքը նաև մարդասիրական, առևտրային և ուղևորափոխադրումների համար»,-ասել է Պատելը։
