06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Լաչինի միջանցքով մարդկանց ազատ և անվտանգ տեղաշարժը պետք է երաշխավորվեն․ Գերմանիայի ԱԳ պետնախարար
Քաղաքականություն
05.09.2023 | 15:26
Գերմանիայի ԱԳ նախարար Թոբիաս Լինդները նախօրեին հանդիպել է Բեռլինում ՀՀ դեսպան Վիկտոր Ենգիբարյանի հետ։Կողմերը քննարկել են Արցախում տիրող հումանիտար ճգնաժամը։
«Գերմանիան խորապես մտահոգված է Լեռնային Ղարաբաղում մատակարարումների իրավիճակով։ Լաչինի միջանցքով մարդկանց ազատ և անվտանգ տեղաշարժն ու առևտուրը պետք է երաշխավորված լինեն։ Մենք հավատարիմ ենք մնում հումանիտար հասանելիությանը և Հայաստանի ու Ադրբեջանի միջև կայուն խաղաղ կարգավորմանը»,- գրել է Լինդները X-ում։
Հավելենք, որ ավելի վաղ էլ Գերմանիայի ԱԳ նախարար Անալենա Բերբոքն էր մտահոգություն հայտնել Արցախում հումանիտար վատթար իրավիճակի առնչությամբ։
«Այնտեղ մարդկանց վիճակն աղետալի է։ Մենք շտապ կոչով դիմում ենք Ադրբեջանին և Ռուսաստանին. Լեռնային Ղարաբաղի ժողովուրդը վերջապես պետք է ստանա այն, ինչ անհրաժեշտ է կյանքի համար: Լաչինի միջանցքը պետք է բաց լինի մարդասիրական օգնության համար»,- հայտարարել էր Բերբոքը։
Էմմա Չոբանյան
