06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Արդարադատության նախարարն ու Նիդերլանդների դեսպանը քննարկել են Հռոմի ստատուտի վավերացման գործընթացը
Հասարակություն
05.09.2023 | 13:31
Արդարադատության նախարար Գրիգոր Մինասյանն ընդունել է Հայաստանում Նիդերլանդների Թագավորության արտակարգ և լիազոր դեսպան Նիկոլաս Սխերմերսին, որն ավարտում է դիվանագիտական առաքելությունը Հայաստանում: Այս մասին տեղեկացնում են Արդարադատության նախարարությունից։
Նախարարը շնորհակալություն է հայտնել դեսպանին՝ իր պաշտոնավարման ընթացքում նախարարության հետ արդյունավետ աշխատանքի, ինչպես նաև նախարարության իրավասությանն առնչվող ոլորտում համագործակցությունը նոր մակարդակի բարձրացնելու համար:
Գրիգոր Մինասյանը շնորհավորել է դեսպանին Ղազախստանի Հանրապետությունում Նիդերլանդների Թագավորության արտակարգ և լիազոր դեսպանի պաշտոնում նշանակվելու կապակցությամբ:
Դեսպան Նիկոլաս Սխերմերսը շնորհակալություն է հայտնել ջերմ ընդունելության համար և ընդգծել, որ արդարադատության ոլորտի բարեփոխումները կարևոր են Նիդերլանդների համար, և այդ ուղղությամբ ջանքեր կգործադրվեն աջակցության շրջանակն ընդլայնելու ուղղությամբ:
Կողմերը քննարկել են Միջազգային քրեական դատարանի Հռոմի կանոնադրության (Հռոմի ստատուտ) և ««Մարդու իրավունքների և հիմնարար ազատությունների պաշտպանության մասին, կոնվենցիային կից՝ «Բոլոր դեպքերում մահապատժի վերացման մասին» թիվ 13 արձանագրության վավերացման գործընթացներն ու փաստաթղթերի ներկայիս կարգավիճակը:
Նախարարն ընդգծել է, որ վերոնշյալ նախագծերի վավերացումը լինելու է անկյունաքարային բարեփոխում: Մասնավորապես, Հռոմի ստատուտը հնարավորություն է տալու համագործակցել միջազգային գործընկերների հետ:
Կողմերը քննարկել են մարդու իրավունքների պաշտպանության և ընտանեկան բռնության դեմ պայքարում իրականացվելիք աշխատանքները:
Երկուստեք ձեռք է բերվել պայմանավորվածություն՝ ընդլայնելու համագործակցության շրջանակը:
Հանդիպման ավարտին կողմերը քննարկել են հետաքրքրություն ներկայացնող այլ հարցեր:
