04.07.2026 | 17:21
Դատախազության ամենակարևոր ռեսուրսը սկզբունքային, պրոֆեսիոնալ, բարեվարք և իրենց ծառայությանը նվիրված մարդիկ են. Գլխավոր դատախազ
Ավագանու թեկնածուների 37%-ը կանայք են. ի՞նչ դերակատարում կունենան կանայք Երևանի կառավարման մեջ․ ՏԵՍԱՆՅՈՒԹ
Քաղաքականություն
05.09.2023 | 19:02
Factor TV-ն վերլուծել է Երևանի ավագանու ընտրություններին մասնակցող կուսակցությունների և մեկ դաշինքի նախընտրական ցուցակները գենդերային տեսանկյունից։ Մայրաքաղաքում իշխանություն ձևավորելու համար պայքարում են 14 քաղաքական ուժեր, որոնք բոլորը միասին ներկայացրել են ավագանու 806 թեկնածու, նրանցից 300-ը կանայք են։
Առաջադրված կին թեկնածուները կազմում են ընդհանուր թեկնածուների 37,2%-ը։ Սա ուղիղ մեկ տոկոսով ավելին է 2018 թվականի Երևանի ընտրություններին մասնակցող կանանց տոկոսից։ Ամենաշատ կին թեկնածուները ներկայացրել են «Ուժը հայրենյաց» և «Հանուն սոցիալական արդարության» կուսակցությունները․ նրանց ցուցակներում կանայք և տղամարդիկ հավասար թվով են ներկայացված՝ 50/50։
Կանանց մասնակցության ամենացածր ցուցանիշը «Ազգային առաջընթաց» և «Քաղաքացիական պայմանագիր» կուսակցություններն են ապահովել, համապատասխանաբար, 30․9 և 33․1 տոկոս։ Ընդ որում, ՀՀ Ընտրական օրենսգրքի պահանջն է, որ նախընտրական ցուցակներում սեռերից որևէ մեկը ներկայացված չլինի 70 տոկոսից ավելի։
Ինչպե՞ս են կանայք ներգրավվել կուսակցական ցուցակներում, որո՞նք են կանանց մասնակցությունը խթանող և խոչընդոտող հանգամանքները, ի՞նչ դերակատարում են ունենալու նրանք մայրաքաղաքի կառավարման գործում։ Այս հարցերը Factor TV-ի տաղավարում քննարկել ենք ավագանու անդամի թեկնածուներ Նատալյա Արզաքանցյանի («Ուժը հայրենյաց» կուսակցություն), Իզաբելլա Աբգարյանի («Ազգային առաջընթաց» կուսակցություն), Անի Ոսկանյանի («Հաղթանակ» կուսակցության), Հասմիկ Հովսեփյանի (Հայաստանի եվրոպական կուսակցության) և Լուսինե Գևորգյանի («Քաղաքացիական պայմանագիր» կուսակցություն) հետ։
Մանրամասները՝ տեսանյութում։
Արման Ղարիբյան
