01.05.2026 | 10:36
Ուկրաինական ԱԹՍ-ները կրկին հարձակվել են Տուապսեի վրա. ծովային տերմինալի տարածքում հրդեհ է բռնկվել
Ադրբեջանցիներն ուրբաթ օրը դարձյալ թիրախավորել են Կապանի օդանավակայանը․ վնասվել են պատերն ու պատուհանները
04.09.2023 | 12:53
Սեպտեմբերի 1-ի գիշերը ադրբեջանցիները իրենց կողմից վերահսկվող տարածքներից, հրազենով կրակել են Կապանի օդանավակայանի վրա՝ վնասելով դրա պատերն ու պատուհանները։ Քննչական կոմիտեի մամուլի խոսնակ Գոռ Աբրահամյանը Factor.am-ի հետ զրույցում ասաց, որ դեպքի առթիվ քրեական վարույթ է նախաձեռնվել 44-445-րդ հոդվածի 2-րդ մասի 7-րդ և 15-րդ կետերով և 264-րդ հոդվածի 2-րդ մասի 4-րդ կետով,այսինքն՝ անձանց կյանքի համար վտանգավոր եղանակով, ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելության, անհանդուրժողականության կամ թշնամանքի շարժառիթով սպանության փորձը և նույն շարժառիթներով ուրիշի գույք ոչնչացնելը կամ վնասելը։
Գոռ Աբրահամյանն ասաց, որ տուժածներ չկան։
Նշենք, որ սա օդանավակայանի թիրախավորման առաջին դեպքը չէ․ օգոստոսի 17-ին, երբ օդանավակայանն արդեն պատրաստ էր կանոնավոր թռիչքներ ընդունելուն, կրկին կրակոցներ էին հնչել։
Արաքս Մամուլյան
