15.09.2026 | 14:26
Փետրվարի 8-ից «խվատայկաները» կհամարվեն շահումով խաղ․ ՊԵԿ
Ռուսաստանը նաև Հայաստանի քաղաքացիներին է փորձում հավաքագրել Ուկրաինայի պատերազմին մասնակցելու համար․բրիտանական հետախուզություն
Քաղաքականություն
04.09.2023 | 12:21
Մեծ Բրիտանիայի ՊՆ-ի՝ Ուկրաինայի պատերազմին նվիրված նախօրեի զեկույցում անդրադարձ կա այն խնդրին, թե ինչպես է ՌԴ-ն փորձում հարևան պետությունների քաղաքացիների հավաքագրել ռազմական գործողություններին իր կողմից մասնակցելու համար։
Մասնավորապես, զեկույցում վկայակոչվում են համացանցում հայտնված գովազդային նյութեր, որոնք Հայաստանի և Ղազախստանի քաղաքացիներին առաջարկում են պատերազմին մասնակցելու համար նախնական վճարում 495 հազար ռուբլի (5140 դոլար) և 190, 000 ռուբլի աշխատավարձ։
Ըստ զեկույցի Ռուսաստանը նաև Կենտրոնական Ասիայի երկրներից միգրանտներին առաջարկել է մեկնել Ուկրաինա՝ ավելի արագ քաղաքացիություն և բարձր աշխատավարձ ստանալու համար: Նշվում է, որ Ուզբեկստանից միգրանտները, որոնք ռուսական վերահսկողության տակ գտնվող Մարիուպոլ են եկել աշխատելու, ստիպված են եղել միանալ ռուսական բանակին։ Ըստ բրիտանական հետախուզության՝ Ռուսաստանում Կենտրոնական Ասիայի երկրներից առնվազն 6 մլն միգրանտ կա, որոնց Կրեմլը դիտարկում է պոտենցիալ հավաքագրման համար։
