12.03.2026 | 23:35
Վթար Երասխ-Երևան ավտոճանապարհին․ կան տուժածներ
Կարմիր խաչի ներկայացուցիչներն այցելել են ադրբեջանցիների կողմից առևանգված 3 երիտասարդներին
Հասարակություն
01.09.2023 | 16:19
Կարմիր խաչի միջազգային կոմիտեի ներկայացուցիչներն օգոստոսի 30-ին և 31-ին այցելել են Հակարիի կամրջի անցակետից ադրբեջանական ուժերի կողմից առևանգված արցախցի երեք երիտասարդներին: Այս մասին Factor.am-ի հետ զրույցում հայտնեց Հայաստանում ԿԽՄԿ պատվիրակության հաղորդակցման ծրագրերի ղեկավար Զառա Ամատունին։
«Ձերբակալված երեք երիտասարդներին մեր կազմակերպության ներկայացուցիչներն այցելել են, նրանց հնարավորություն է տրվել կապ հաստատել հարազատների հետ»,– նշեց Ամատունին՝ այլ մանրամասներ չհայտնելով։
Հիշեցնենք` օգոստոսի 28–ին Արցախից Հայաստան խաղաղապահ զորակազմի ուղեկցությամբ տեղափոխվելիս ադրբեջանական կողմն առևանգել է 22-ամյա Ալեն Սարգսյանին։ Ավելի ուշ հայտնի դարձավ, որ ևս երկու երիտասարդներ` Վահե Հովսեփյանը և Լևոն Գրիգորյանը, չեն հատել անցակետը, նրանց հետ կապ հաստատել չի հաջողվում։ Երեք երիտասարդները գալիս էին Հայաստան՝ ուսման նպատակով։
Ավելի ուշ ադրբեջանական կողմն էլ տեղեկատվություն տարածեց, թե 3 երիտասարդներ «ձերբակալվել են նախկինում Ադրբեջանի դրոշը անարգելու համար»։ Նրանց մեղադրանք էր առաջադրվել 2 հոդվածով, որոշում է կայացվել վարչական տուգանք կիրառելու մասին։ Ըստ Ադրբեջանի Գլխավոր դատախազության այդ օրը տարածված հաղորդագրության՝ նրանք 10 օրից կվտրավեն Ադրբեջանից։
Ռոզա Վարդանյան
