03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
ՀՀ կառավարությունից չեն մեկնաբանում՝ Արայիկ Հարությունյանի հրաժարականի հարցը Փաշինյանի հետ քննարկվե՞լ է, թե՞ ոչ
Քաղաքականություն
31.08.2023 | 14:58
Հայաստանի կառավարությունից չեն մեկնաբանում Արցախի նախագահի սպասվող հրաժարականի լուրը։ Նիկոլ Փաշինյանի մամուլի խոսնակ Նազելի Բաղդասարյանից հետաքրքրվեցինք՝ Արայիկ Հարությունյանն այդ որոշումը քննարկե՞լ է, արդյոք, վարչապետ Նիկոլ Փաշինյանի հետ։ Նազելի Բաղդասարյանը հրաժարվեց մեկնաբանել՝ ասելով, եթե անհրաժեշտ համարեն, հաղորդագրությամբ հանդես կգան։
Արայիկ Հարությունյանն այսօր հայտնեց հրաժարականի մտադրության մասին՝ նշելով, որ Արցախի նախագահի պաշտոնից հրաժարվելու իր դիմումը վաղը կներկայացնի Ազգային ժողովին:
Հարությունյանը նաև նշել է, թե որոշումը վերջնական է և այն կայացրել է երկու օր առաջ՝ հաշվի առնելով վերջին շաբաթների իր շփումները բոլոր ներքին և արտաքին դերակատարների ու լայն հանրության հետ։ Նա, սակայն, չի հստակեցրել, թե կոնկրետ որ դերակատարներին նկատի ունի։
Շողիկ Գալստյան
