25.04.2026 | 10:06
ՀՀ տարածքում ավտոճանապարհները հիմնականում անցանելի են
Տարեսկզբից Ադրբեջանի 2 քաղաքացի ապաստան է հայցել Հայաստանից
Քաղաքականություն
30.08.2023 | 17:02
Ադրբեջանի 2 քաղաքացի (տղամարդ) այս տարվա հունվարից հունիսն ընկած ժամանակահատվածում Հայաստանից ապաստան են հայցել։ Այս մասին տեղեկանում ենք ՀՀ Վիճակագրական կոմիտեի հրապարակած տվյալներից, որը հղում է կատարում Միգրացիոն ծառայության տվյալներին։
Նրանցից մեկը եղել է 18-ից 34 տարեկանի միջակայքում, մյուսը՝ 65 տարեկանից բարձր։
Կոմիտեի հրապարակված տվյալներից տեղեկանում ենք, որ այս տարվա հունվարից հունիսն ընկած ժամանակահատվածում Ադրբեջանի 1 քաղաքացու (18-ից 34 տարեկան տղամարդ) ապաստան ստանալու դիմում կասեցվել կամ մերժվել է։ Միգրացիոն Ծառայությունից Factor.am-ի հետ զրույցում ոչ հաստատեցին, ոչ հերքեցին վարկածը, որ սա վերաբերում է այս տարվա ընթացքում ստացված 2 դիմումներին։
Նշենք, որ այս տարվա առաջին կեսին ՀՀ-ից ամենաշատը ապաստան են հայցել Իրաքի քաղաքացիները՝ 131 դիմում։ Դրան հաջորդում է Ուկրաինան՝ 115 դիմում, Իրանը՝ 40 դիմում, Եգիպտոսը՝ 39 դիմում, Հայիթին՝ 32 դիմում, Ռուսաստանը՝ 18 դիմում, Սիրիան 18 դիմում, Թուրքիան՝ 10 դիմում։
Միգրացիոն ծառայությունից հավելեցին, որ նշված տվյալները վերաբերում են ապաստան հայցողների քաղաքացիությանը, այլ ոչ ազգությանը։ Այսինքն՝ ՀՀ-ում ապաստան ստանալու համար դիմողը հնարավոր է լինի ազգությամբ հայ, բայց այլ երկրի քաղաքացի։
Անժելա Պողոսյան
