03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
ՌԴ-ն՝ ԼՂ հակամարտության հարցում Ֆրանսիայի միջնորդական ջանքերի մասին․ ՏԵՍԱՆՅՈՒԹ
Քաղաքականություն
30.08.2023 | 15:36
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ԼՂ հակամարտության հարցում Ֆրանսիայի միջնորդական ջանքերը։ Զախարովայի խոսքով՝ ՌԴ-ն մի կողմից ողջունում է հակամարտության կարգավորման հարցում ցանկացած ջանք, սակայն մյուս կողմից դրանք, ըստ նրա, չպետք է հակադրվեն Հայաստանի և Ադրբեջանի միջև հարաբերությունների կարգավորմանն ուղղված Ռուսաստանի ջանքերին կամ խաթարեն դրանք։
«Հայտնի է Ֆրանսիայի գործունեությունն այս ուղղությամբ: Նման միջնորդական ջանքերի շրջանակներում անհրաժեշտ է հաշվի առնել հակամարտող երկու կողմերի՝ և՛ Հայաստանի, և՛ Ադրբեջանի դիրքորոշումը: Եվ առանց դրա՝ իրավիճակում առաջընթացի հույս ունենալ, որն առանց այն էլ բավականին թեժացած է, չարժե»,- ասել է Զախարովան։
Հիշեցնենք, որ Ֆրանսիայի նախագահ Էմանուել Մակրոնը հայտարարել էր, որ բանակցություններ կվարի Հայաստանի և Ադրբեջանի ղեկավարների հետ և հանդես կգա նոր դիվանագիտական նախաձեռնությամբ՝ ԼՂ հակամարտության կարգավորման համար։
Մանրամասները՝ տեսանյութում։
