04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ադրբեջանական բեռները հասել են Ստեփանակերտ տանող ճանապարհ. ռուս խաղաղապահների հետ բանակցություններ են․ ԼՈՒՍԱՆԿԱՐՆԵՐ
Քաղաքականություն
29.08.2023 | 19:10
Ադրբեջանի Կարմիր մահիկի կողմից Աղդամի ճանապարհով, իբր, հումանիտար բեռներով դեպի Արցախ ուղևորվող երկու մեքենաները հասել են Ստեփանակերտի ճանապարհին։ Ադրբեջանական քարոզչական լրատվամիջոցները հայտնում են, որ ներկայում բանակցություններ են ընթանում ռուս խաղաղապահների հետ։
Հիշեցնենք, որ Ադրբեջանի Կարմիր մահիկի ընկերության նախագահ, պատգամավոր Նովրուզ Ասլանը հայտարարել էր, թե 40 տոննա ալյուրով երկու մեքենա է ուղարկվել։
«Մենք հուսով ենք, որ այս քայլը դրական կընդունվի Ստեփանակերտում ապրող հայերի և միջազգային հանրության կողմից։ Եթե կարողանանք հետագայում ավելի շատ գնահատում կատարել, ապա կկարողանանք մատակարարել նրանց անհրաժեշտ ապրանքները»,- ասել էր նա։
Հավելենք, որ պաշտոնական Բաքուն ամիսներ շարունակ պնդում է, թե Արցախում որևէ հումանիտար ճգնաժամ չկա, սակայն հիմա, ըստ երևույթին, որոշել է փոխել քարոզչական գիծը։
Մինչ այդ, արդեն ավելի քան 1 ամիս ՀՀ Կառավարության կողմից ուղարկված շուրջ 400 տոննա սնունդն ու դեղորայքը մնում են Կոռնիձորում՝ Բաքվի կողմից Լաչինի միջանցքի ապօրինի շրջափակման հետևանքով։
Էմմա Չոբանյան
