24.04.2026 | 23:32
Կապանում ջրանջատում կլինի
Ֆրանսիան մոբիլիզացվում է, որպեսզի ԼՂ բնակչությանը Ղարաբաղում ապրելու հնարավորություն առաջարկի՝ հարգելով նրանց իրավունքները, մշակույթն ու պատմությունը․ Կատրին Կոլոնա
Քաղաքականություն
29.08.2023 | 13:41
Ֆրանսիայի ԱԳ նախարար Կատրին Կոլոնան Ֆրանսիայում դեսպանների համաժողովի ընթացքում ելույթ ունենալիս անդրադարձել է Լեռնային Ղարաբաղի հիմնախնդրին։
«Ես չեմ անդրադառնա բոլոր այն ճգնաժամերին, որտեղ մեր դիվանագիտությունն ակտիվ է, բայց որոշ թեմաներ ուզում եմ նշել։ Խեղդամահության ռազմավարությունը, որի նպատակն է հրահրել հայերի զանգվածային արտագաղթը Լեռնային Ղարաբաղից, ինչպես սահմանել է Արդարադատության միջազգային դատարանը՝ անօրինական է, այն նաև անբարոյական է»,- ասել է տիկին Կոլոնան։
Ֆրանսիայի արտաքին քաղաքական գերատեսչության ղեկավարը հայտարարել է, որ Ֆրանսիան մոբիլիզացվում է Հայաստանի և Ադրբեջանի միջև արդար և տևական խաղաղություն հաստատելու համար, նաև սահմանազատելու երկու երկրների սահմանները և Լեռնային Ղարաբաղի բնակչությանն առաջարկելու այնտեղ ապրելու հնարավորություն՝ հարգելով նրանց իրավունքները, մշակույթն ու պատմությունը։
Անահիտ Խաչատրյան
