05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Ադրբեջանն Աղդամի ճանապարհով հումանիտար բեռ է փորձում հասցնել Ստեփանակերտ
Քաղաքականություն
29.08.2023 | 11:33
260 օրից ավելի Արցախը ապօրինի շրջափակման մեջ պահող ու տեղի բնակչությանը հումանիտար աղետի հասցրած Ադրբեջանը որոշել է հումանիտար օգնութուն է ուղարկել Լեռնային Ղարաբաղ Աղդամի ճանապարհով։
Ադրբեջանի Կարմիր մահիկի ընկերության նախագահ Նովրուզ Ասլանը հայտարարել է, որ 40 տոննա ալյուրով երկու մեքենա է ուղարկվել։
«Մենք հուսով ենք, որ այս քայլը դրական կընդունվի Խանքենդիում ապրող հայերի և միջազգային հանրության կողմից։ Եթե կարողանանք հետագայում ավելի շատ գնահատում կատարել, ապա կկարողանանք մատակարարել նրանց անհրաժեշտ ապրանքները»,-ասել է Ասլանը։
Հավելենք, որ պաշտոնական Բաքուն ամիսներ շարունակ պնդում է, թե Արցախում որևէ հումանիտար ճգնաժամ չկա, սակայն հիմա, ըստ երևույթին, որոշել է փոխել է քարոզչական գիծը։
Հիշեցնենք՝ արդեն ավելի քան 1 ամիս ՀՀ կառավարության կողմից ուղարկված շուրջ 400 տոննա սնունդն ու դեղորայքը մնում է Կոռնիձորում Լաչինի միջանցքի ապօրինի շրջափակման հետևանքով։
Էմմա Չոբանյան
