22.11.2024 | 20:16
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Բողոքի ակցիա ՌԴ դեսպանատան շենքի մոտ․ ցուցարարները մտադիր են գիշերել այնտեղ․ ԼՈՒՍԱՆԿԱՐՆԵՐ
Քաղաքականություն
29.08.2023 | 01:05
Մի խումբ քաղաքացիներ բողոքի ակցիա են իրականացնում Հայաստանում ՌԴ դեսպանատան շենքի դիմաց: Ի նշան բողոքի, Արցախում ռուս խաղաղապահների անգործության դեմ, ակցիայի մասնակիցները որոշ ժամանակով փակել են դեսպանատան հարակից փողոցը:
Հիշեցնենք՝ ադրբեջանցի սահմանապահները այսօր Հակարիի կամրջի մոտ տեղադրված ապօրինի անցակետից առևանգել են Արցախից Հայաստան եկող երեք երիտասարդների՝ Ալեն Սարգսյանին, Վահե Հովսեփյանին և Լևոն Գրիգորյանին։ Ըստ ՀՀ ԱԳՆ-ի՝ տեղափոխությունը նախապես համաձայնեցված է եղել և իրականացվվելիս է եղել ռուսական խաղաղապահ ուժերի ուղեկցությամբ, որոնք 2020թ. Նոյեմբերի 9-ի եռակողմ հայտարարության 6-րդ կետի համաձայն պետք է վերահսկեին Լաչինի միջանցքով Հայաստանի և Լեռնային Ղարաբաղի միջև անխափան կապը։ Երիտասարդները Հայաստանի Հանրապետություն էին տեղափոխվում՝ շարունակելու իրենց ուսումնառությունը։
Բաքվի Դատախազությունը երեկոյան հայտարարեց, որ 3 արցախցի երիտասարդների վերաբերյալ որոշում է կայացրել։ Ըստ դատախազության հաղորդագրության՝ երիտասարդների նկատմամբ կկիրառվի վարչական կալանք՝ 10 օր ժամկետով, ապա «նրանց կազատեն ու կարտաքսեն Ադրբեջանից»։
