07.10.2026 | 21:02
Կանանց Հայաստանի հավաքականը հաղթեց Հորդանանին
Factor TV-ի հրապարակումից հետո Ավինյանի՝ խախտումով փակցված պաստառը հեռացվել է
Քաղաքականություն
28.08.2023 | 20:54
Factor.am-ի հրապարակումից հետո հեռացվել է ՔՊ-ի քաղաքապետի թեկնածու Տիգրան Ավինյանի խախտումներով փակցված քարոզչական պաստառը։
Այսօր Factor.am-ը գրել էր, որ Շենգավիթ վարչական շրջանի Սողոմոն Տարոնցու փողոցի 22 շենքի պատին օգոստոսի 27-ին փակցվել է Ավինյանի ցուցապաստառը։
Factor.am-ն ուսումնասիրելով ԿԸՀ-ի կողմից քաղաքական ուժերին քարոզչական նյութերի տարածման համար տրամադրվող վճարովի և անվճար տարածքների ցանկը` պարզել էր, որ Տարոնցու 22 շենքի պատը նախատեսված չէ այդ նպատակով կիրառման համար։
Նշենք, որ ՀՀ ընտրական օրենսգրքի 21-րդ հոդվածի 2-րդ մասի համաձայն բազմաբնակարան կամ ստորաբաժանված շենքերի վրա քարոզչական պաստառ, քարոզչական տպագիր կամ այլ նյութեր կարող են տեղադրվել միայն ֆիզիկական անձի սեփականություն հանդիսացող տարածքում՝ այդ թվում, պատշգամբներում, պատուհանների վրա կամ արտաքին պատերին տեղադրված վճարովի գովազդային վահանակների վրա։ Ինչպես արդեն արձանագրել ենք, այս շենքի վրա գովազդային վահանակ չկա տեղադրված։
Նարեկ Կիրակոսյան
