07.10.2026 | 21:02
Կանանց Հայաստանի հավաքականը հաղթեց Հորդանանին
Լաչինի միջանցքի հարցով միջազգային մակարդակով կրկին դիվանագիտական նախաձեռնություն կցուցաբերենք․ Էմանուել Մակրոն
Քաղաքականություն
28.08.2023 | 17:13
Ֆրանսիայի Հանրապետության նախագահ Էմանուել Մակրոնը ելույթ է ունեցել դեսպանների համաժողովում, ուր անդրադարձել է նաև Լեռնային Ղարաբաղում ստեղծված իրավիճակին։
«Ոչինչ չի կարող արդարացնել այն հումանիտար իրավիճակը, որն այսօր ապրում է Լեռնային Ղարաբաղի ժողովուրդը»,- ասել է Մակրոնը՝ նշելով, որ այս շաբաթ հնարավորություն կունենա խոսել ՀՀ վարչապետ Նիկոլ Փաշինյանի և նախագահ Իլհամ Ալիևի հետ։
«Մենք կպահանջենք լիակատար հարգանք Լաչինի մարդասիրական միջանցքի նկատմամբ և միջազգային մակարդակով կրկին դիվանագիտական նախաձեռնություն կցուցաբերենք՝ այդ ուղղությամբ ճնշումը մեծացնելու համար»,- ասել է Մակրոնը։
Ֆրանսիայի նախագահը նաև նշել է, որ Փարիզը շարունակելու է «ներգրավվել հայ-ադրբեջանական խաղաղության պայմանագրի քննարկումներում և հստակեցնելու ինչպես տարածքային, այնպես էլ տարանցիկ հարցերը, սակայն շատ կարճաժամկետ հեռանկարում հումանիտար իրավիճակը մնում է բացարձակապես կրիտիկական»։
