15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Ադրբեջանցիները 22 տարեկան ուսանողի են առևանգել, մյուսին հարցաքննում են. Տիգրան Պետրոսյան
28.08.2023 | 15:02
Ադրբեջանցիներն այսօր Բերձորի անցակետից ռուս խաղաղապահների ներկայությամբ արցախցի ուսանող են առեւանգել։
ԱՀ նախագահին կից հակաճգնաժամային խորհրդի նախագահ Տիգրան Պետրոսյանը ֆեյսբուքյան ուղիղ եթերում մանրամասներ է հաղորդել ադրբեջանցիների կողմից առևանգված հայ երիտասարդի մասին։
«Շատ վատ լուր եմ լսել, մոտ մեկ ժամ առաջ անցակետից թուրքերը ռուսներից մեկ ուսանող երեխու են տարել՝ 22 տարեկան։ Այս պահին մեկին տարել են, երկրորդին հարցաքննում են։ Սա արդեն վերջն է, ռուս խաղաղապահները, որոնք անցակետով անցկացնում էին ուսանող երեխաներին եւ իրենց քաղաքացիներին, այսօր վերջին օրն էր կարծեմ, եւ այսօր տեղի է ունենում նման դեպք։
22 տարեկան տղա ուսանողին մեկին տարել են արդեն, այս պահի դրությամբ մյուսին էլ հարցաքննում են։ Լենցովը որ գնաց, փաստորեն պատճառ կար գնալու, եւ այս ամեն ինչը կարելի է ասել նախապատրաստված էր։ Էդ երեխեքի տարիքը որ հաշվի ես առնում, 2020 թվականին զինվորներ են եղել, ամբողջ աշխարհում զինվորներին չեն դատում։ Բայց Ադրբեջանի ներկա իշխանությունը թքած ունի նման բաների վրա։ Այս պահին կորցնելու բան այլեւս չկա»,- ասաց Պետրոսյանը։
