Այս պահին ապամոնտաժվում է Թումանյան 39 շենքի տանիքին կառուցվող վերնահարկը: Factor TV-ին հայտնեց քաղաքապետարանի մամուլի խոսնակ Հայկ Կոստանյանը: 5 հարկանի շենքի տանիքին վերնահարկի կառուցման մասին դեռ հուլիսի 10-ին ահազանգել էր Factor TV-ն: Մեր ահազանգից հետո քաղաքապետարանից հայտնել էին, որ վերնահարկը կապամոնտաժվի:
Օգոստոսի 14-ին Երևանի քաղաքապետարանն անվավեր ճանաչեց Թումանյան 39 հասցեում մանսարդային հարկ կառուցելու` նախկինում տրված շինթույլտվությունը, քանի որ շենքի բնակիչները չեն տվել իրենց համաձայնությունը:
Հիշեցնենք՝ Factor TV-ն արձանագրել էր, որ մեկ այլ նման մանսարդային հարկ էլ կառուցվել է Արամի 60 հասցեում՝ Եղիշե Չարենցի տուն-թանգարանի շենքի տանիքին։ Թեև մեր ահազանգից հետո քաղաքապետարանից հայտնել էին, որ այն ապօրինի է և պետք է ապամոնտաժվի, սակայն մինչև այսօր մանսարդային հարկը ապամոնտաժված չէ։
Արփի Հակոբյան
