06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
Արդյոք Ֆրանսիան ՄԱԿ-ի ԱԽ բանաձև է պատրաստում․ ՀՀ-ում Ֆրանսիայի դեսպանատունը հղում է անում Մակրոնի հարցազրույցին
Քաղաքականություն
25.08.2023 | 14:41
Արդեն հայտնել էինք, որ ֆրանսիական LeFigaro թերթի տեղեկություններով, Ֆրանսիան պատրաստվում է ՄԱԿ-ի Անվտանգության խորհուրդ բանաձևի նախագիծ ներկայացնել Ադրբեջանի կողմից Լաչինի միջանցքի ապօրինի արգելափակման հետևանքով սովամահության եզրին կանգնած Արցախի 120 000 բնակիչներին օգնություն տրամադրելու մասին։ Տեղեկատվությունը ճշտելու համար Factor.am-ը կապ հաստատեց դեսպանատան խոսնակի հետ։ Նա մեզ փոխանցեց գրավոր պատասխան, որում ասված է․
«Հղում ենք անում նախագահ Մակրոնի Le Point ամսագրում 2023 թվականի օգոստոսի 23-ին արված հայտարարությանը»։
Հիշեցնենք՝ Մակրոնը հայտարարել է․«Մեր մոտեցումը հստակ է, մենք ցավում ու դատապարտում ենք, բայց այլևս դիվանագիտության ժամանակը չէ։ Մենք միշտ ասել ենք, որ կողմ ենք ժողովրդի ինքնիշխանությանը։ Լեռնային Ղարաբաղի հարցը բարդ է։ Ես չեմ կարող անդրադառնալ այս թեմայի ամենասուր կողմերին: Ֆրանսիան հստակորեն դատապարտեց 2020 թվականի պատերազմը և մի քանի մարդասիրական օգնություն կազմակերպեց։ Այսօր մենք անում ենք ամեն ինչ, որպեսզի Հայաստանի և Ադրբեջանի միջև հաստատվի տևական խաղաղություն և պաշտպանված լինեն ժողովուրդներն ու մշակույթները: Այս խաղաղության պայմանագիրն անհրաժեշտություն է, բայց այն պետք է համապատասխանի միջազգային իրավունքին»։
