16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Կոտայքի մարզում աշխատանքից ազատված երկրորդ դատախազն է ընդդեմ Աննա Վարդապետյանի հայցադիմում ներկայացրել դատարան
Հասարակություն
24.08.2023 | 15:28
Կոտայքի մարզի դատախազ Աշոտ Հովհաննիսյանը, որին Գլխավոր դատախազ Աննա Վարդապետյանը շուրջ 1 ամիս առաջ ազատել է աշխատանքից, դատարանում վիճարկում է իրեն կարգաահական տույժի ենթարկելու որոշումը և աշխատանքից ազատելու՝ Աննա Վարդապետյանի հրամանը։
Այս մասին տեղեկանում ենք «Դատալեքս» դատական-տեղեկատվական համակարգից։ Factor.am-ի հետ զրույցում Աշոտ Հովհաննիսյանի ներկայացուցիչ Նորիկ Նորիկյանն ասաց, որ Աշոտ Հովհաննիսյանը բացառապես իր աշխատանքային իրավունքներն է փորձում վերականգնել։
Նշենք, որ Կոտայքի մարզում աշխատանքից ազատված մեկ այլ դատախազ՝ Ապրես Գրիգորյանը ևս վարչական դատարանում վիճարկել էր իր նկատմամբ կարգապահական տույժ կիրառելու վերաբերյալ Գլխավոր դատախազ Աննա Վարդապետյանի որոշումն ու աշխատանքից ազատելու հրամանը։
Նշենք, որ Կոտայքի մարզի դատախազության՝ արդեն նախկին դատախազ Ապրես Գրիգորյանի և Աշոտ Մարտիրոսյանի աշխատասենյակում ամիսներ առաջ ԱԱԾ-ն խուզարկություն էր իրականացնել, նրանց ձերբակալել, ապա բաց էին թողել։ Hayastan.news-ը գրել էր, որ այս դեպքից հետո Գրիգորյանը դատախազ Աննա Վարդապետյանին հայտնել է ԱԱԾ-ում իրեն խոշտանգելու մասին, իսկ Վարդապետյանը խոշտանգման մասին դատախազի հաղորդումն ուղարկել է ԱԱԾ, այսինքն՝ այն նույն մարմին, որտեղ, ըստ Գրիգորյանի, իրեն խոշտանգել են։ Լրատվամիջոցը գրել է նաև, որ Կոտայքի մարզի դատախազ Պետրոս Պետրոսյանը պաշտոնից ազատվել ու այլ պաշտոնի էր նշանակվել հենց այն ժամանակ, երբ փորձել էր հետամուտ լինել, որ դատախազին խոշտանգողները պատժվեն։ Դատախազին աշխատասենյակում խոշտանգելն անպատիժ թողնելու պատմությունն էլ դարձել էր Պետրոս Պետրոսյանի ու գլխավոր դատախազի տեղակալ Գևորգ Բաղդասարյանի հրաժարականի պատճառը։
Արաքս Մամուլյան
