15.09.2026 | 12:34
Նիկոլ Փաշինյանի մի քանի արձան կա, էժան նյութից են պատրաստված, չարժի՞ ոսկե արձան դնել․ Ղազարյանը՝ Մխիթարյանին
Տվերի մարզում ինքնաթիռ է կործանվել․ ուղևորների թվում է եղել նաև Եվգենի Պրիգոժինը
Քաղաքականություն
23.08.2023 | 21:23
Տվերի մարզի Բոլոգովսկի շրջանի Կուժենկինո գյուղի մոտ ինքնաթիռ է կործանվել, փոխանցում է Meduza.io-ն: Աղբյուրի տվյալներով՝ խոսքը ռազմական ինքնաթիռի մասին է։
ՌԴ ԱԻՆ-ից հայտնել են, որ Տվերի մարզում մասնավոր ինքնաթիռի կործանման հետևանքով զոհվել է 10 մարդ, որոնցից երեքը անձնակազմի անդամներ են: Վթարի ենթարկված օդանավը Մոսկվայից Սանկտ Պետերբուրգ էր ուղևորվում։
«Սկսվել է Embraer ինքնաթիռի աղետի հետաքննությունը, որը տեղի է ունեցել այսօր երեկոյան Տվերի մարզում։ Ուղևորների ցուցակի համաձայն՝ նրանց թվում կա Եվգենի Պրիգոժինի անունը», – ՏԱՍՍ-ի փոխանցմամբ՝ նշել է «Ռոսավիացիան»։
ԶԼՄ-ների փոխանցմամբ՝ ցուցակներում եղել է նաև «Վագներ» խմբավորման հրամանատար Դմիտրի Ուտկինը (Վագներ)։ Նախնական տեղեկություններով` ինքնաթիռը կործանվել է ՀՕՊ համակարգի հարվածից հետո։
