06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
6 տարի եղել եմ ընդդիմադիր ավագանու անդամ. այս ընտրություններում շանսերս գնահատելու են երևանցիները․ Խաժակյան․ ՏԵՍԱՆՅՈՒԹ
Քաղաքականություն
23.08.2023 | 12:14
Այսօր մեկնարկել է սեպտեմբերի 17-ին կայանալիք Երևանի ավագանու ընտրությունների քարոզարշավը. առաջիկա շաբաթներին 14 քաղաքական ուժ փորձելու է համոզել երևանցիներին իր օգտին քվեարկել։
«Լուսավոր Հայաստան» կուսակցությունը ազդարարեց Երևանի ավագանու նախընտրական քարոզարշավի մեկնարկը։
«Ընտրություններին մասնակցող բոլոր ուժերին համարում եմ մրցակից, բոլորին հարգանքով եմ մոտենում, ծրագրերը կարդացել եմ, բայց այս ընտրություններում քաղաքական ուժերի շանսերը գնահատելու են երևանցիները․ ում ծրագրերն են իրատեսական, ում ծրագրերն են բխում մարդկանց իրական խնդիրներից և Երևանի խնդիրներից․․․ Մարդկանց աջակցությունից է կախված այն մասշտաբը, որը մենք կհաղորդենք՝ ամփոփելով ընտրությունների արդյունքները»,- այս մասին լրագրողների հետ զրույցում նշեց «Լուսավոր Հայաստան» կուսակցության և Երևանի ավագանու «Լույս» խմբակցության անդամ Դավիթ խաժակյանը։
«Իմ շանսերը ևս գնահատելու են երևանցիները,- հավելեց Խաժակյանը։- 6 տարի եղել եմ ընդդիմադիր ավագանու անդամ, մեր ուժն ունեցել է մեկ մանդատ, և մենք արել ենք առավելագույնը՝ ընդհուպ համաքաղաքային խնդիրները լուծելու իմաստով»։
Խաժակյանի հավաստմամբ՝ չկա որևէ քաղաքական այլ ուժ, որն իր ծրագրում ներառել է համատիրությունների խնդիրը, մինչդեռ այս խնդիրն առանցքային է։
Անդրադառնալով հարցին, թե «Լուսավոր Հայաստան» կուսակցությունն այլ քաղաքական ուժի հետ կոալիցիոն համագործակցություն նախատեսում է, թե ոչ, Խաժակյանը նշեց․ «Այս ընտրություններին մենք գնում ենք սեփական արդյունքները գրանցելու և այս պահին չենք դիտարկում որևէ քաղաքական ուժի հետ կոալիցիոն համագործակցությունը։ Այդ հարցը պատեհ կլինի ընտրությունների արդյունքներն ամփոփելուց հետո»։
Մանրամասները՝ տեսանյութում։
