25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Դստերը ֆիզիկական և հոգեկան ցավ պատճառած տղամարդը ձերբակալվել է
Հասարակություն
21.08.2023 | 11:55
Օրերս համացանցում տեսանյութ էր տարածվել մի կնոջ ֆիզիկական և հոգեկան ցավ պատճառելու մասին․ տեղեկացնում են ՆԳՆ ոստիկանությունից։
ՀՀ ՆԳՆ ոստիկանության ՀԱԱԳՎ անչափահասների հանցավորության և ընտանեկան բռնության կանխարգելման վարչության, Գեղարքունիքի մարզային վարչության և Մարտունու բաժնի ծառայողների համատեղ ձեռնարկած միջոցառումների արդյունքում պարզվել է, որ դեպքը տեղի է ունեցել 2021 թ. մարտ-ապրիլ ամիսներին:
Օգոստոսի 19-ին Ծովինար գյուղի 27-ամյա բնակչուհին հրավիրվել է ոստիկանության Մարտունու բաժին և հաղորդում տվել, որ 2021 թ. մայիսին հայրն իրեն ֆիզիկական և հոգեկան ցավ է պատճառել մի արարքի համար, որն ինքը չի կատարել:
Նա նաև հայտնել է, որ հոր արարքի պատճառով իրեն շատ նվաստացած է զգացել, հոգեպես ճնշված և ընկճված:
50-ամյա տղամարդը ձերբակալվել և ներկայացվել է նախաքննական մարմին:
Նախաձեռնվել է քրեական վարույթ:
