13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Ահա թե ինչի է ընդունակ Ալիևը․ ֆրանսիացի պատգամավորը դիմել է Ուրսուլա ֆոն դեր Լեյենին և Շառլ Միշելին՝ Ադրբեջանի դեմ պատժամիջոցներ կիրառելու պահանջով
Քաղաքականություն
21.08.2023 | 11:33
Ֆրանսիայի խորհրդարանի պատգամավոր Անն Լորանս Պետելը X-ի (նախկին Twitter-ի) իր միկրոբլոգում արված գրառմամբ անդրադարձել է այն փաստին, որ Ադրբեջանը հրաժարվում է Գյումրի–Երևան ճանապարհին տեղի ունեցած ողբերգական ավտովթարից մահացած 21-ամյա Հելեն Դադայանի մարմինը վերադարձնել հայրենիք՝ Լեռնային Ղարաբաղ, հուղարկավորելու համար։ Պատգամավորը հիպերհղմամբ դիմել է ԵՄ հանձնաժողովի նախագահ Ուրսուլա ֆոն դեր Լեյենին և ԵՄ Խորհրդի նախագահ Շառլ Միշելին։
«Ի՞նչ եք կարծում Ուրսուլա ֆոն դեր Լեյեն, Շառլ Միշել։ Ի հավելումն մի ամբողջ ժողովրդի սովի մատնելուն, ահա՛ թե ինչի է ընդունակ Ալիևը։
Եվրամիությունը պետք է դադարեցնի գազային համաձայնագրերը և պատժամիջոցներ կիրառի Ադրբեջանի դեմ»,- գրել է Պետելը։
Հիշեցնենք, որ մոտ տասը օր է, ինչ Հելենի աճյունը Գորիսի դիահերձարանում է։ Ավտովթարի զոհ դարձած աղջկա մայրը` Ալվարդ Սաֆարյանը, և հարազատները Արցախում հավաքվել էին Կարմիր խաչի գրասենյակի մոտ՝ պահանջելով աղջկա դին վերադարձնել հայրենիք։ Սակայն տևական ժամանակ է` ԿԽՄԿ-ն ձգձգում է պատասխանը։ Հելեն Դադայանը Արցախի Ճարտար գյուղից էր։ Նա Հայաստան էր եկել սովորելու նպատակով։
Անահիտ Խաչատրյան
