06.06.2026 | 15:33
Հողամասը կանցնի պետությանը․ Հակակոռուպցիոն դատարանը բավարարել է Դատախազության հայցը
ԵԱՀԿ գործող նախագահն իր ներկայացուցչին ուղարկում է Լաչինի տարածք
Քաղաքականություն
16.08.2023 | 16:12
ԵԱՀԿ գործող նախագահ, Հյուսիսային Մակեդոնիայի արտգործնախարար Բույար Օսմանին իր ներկայացուցչին է ուղարկում Լաչինի տարածք ու Ադրբեջանի իշխանություններին կոչ է արել բացել Լաչինի միջանցքն ու մյուս երթուղիները։ Այս մասին նա հայտնել է X-ում գրառմամբ։
«Անցյալ շաբաթ իմ հեռախոսային խոսակցություններից հետո որպես ԵԱՀԿ նախագահ խնդրել եմ իմ անձնական ներկայացուցիչ Անջեյ Կասպրչիկին այցելել Լաչինի տարածք և զեկուցել ինձ տեղում առկա իրավիճակի մասին։
Կրկնում եմ Լաչինի միջանցքով ազատ անցում տրամադրելու իմ կոչը։ Զուգահեռաբար պետք է բացվեն մյուս երթուղիները։ Մարդասիրական ասպեկտները միշտ պետք է գերակայեն։ Քաղաքական հարցերի շուրջ երկխոսությունը պետք է շարունակվի, և ԵԱՀԿ-ն պատրաստ է աջակցել դրան»:
