13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
«Սնուփ Դոգն ո՞վ ա»․ քաղաքացիները՝ Կառավարության կողմից համերգի համար 6 մլն դոլար հատկացնելու մասին․ ՏԵՍԱՆՅՈՒԹ
Հասարակություն
15.08.2023 | 16:32
Սեպտեմբերի 23-ին Երևանի «Հրազդան» մարզադաշտում տեղի կունենա հայտնի ռեփեր Սնուփ Դոգի համերգը։ Կառավարությունն այդ միջոցառման կազմակերպման համար հատկացնելու է 6 միլիոն դոլար։ Ծրագրի իրականացումն ապահովելու է «Դոպինգ սփեյս» ընկերությունը։ Այս ընկերության գնահատմամբ՝ ակնկալվում է, որ միջոցառմանը մասնակցելու նպատակով արտերկրից Հայաստան կժամանի 5,000-6,000 զբոսաշրջիկ։
Ինչպե՞ս է Կառավարության ընտրությունը կանգ առել Սնուփ Դոգի վրա, արդարացվա՞ծ է, արդյոք, միլիոնավոր դոլարներ ծախսել նրա համերգի համար․ սրանք հարցեր են, որոնց առնչությամբ այս օրերին համացանցային քննարկումները չեն դադարում։
Factor TV-ն փորձեց քաղաքացիներից պարզել, թե ինչպես են վերաբերվում Կառավարության այս որոշմանը։ Հայտնի ռեփերի համերգի տոմսերը վաճառվում են «Դոպինգ սփեյս» ընկերության պաշտոնական կայքում 20, 35 և 55 հազար դրամով։ Ընկերությունից մեզ փոխանցեցին՝ այլ տաբերակներով տոմսեր ձեռք բերող քաղաքացիների մուտքը համերգին հնարավոր չի լինի։
Ուշագրավ է, որ այս միջոցառումը կազմակերպելու համար «Դոպինգ սփեյս»-ն ընտրվել է առանց մրցույթի։ Ընկերությունը ստեղծվել է անցած տարի, 51 տոկոսի բաժնետերը ՄԱՊ-ի Ալիկ մականվամբ հայտնի ՀՀԿ-ական նախկին պատգամավոր Ալեքսան Պետրոսյանի որդի Մակար Պետրոսյանն է։ Մյուս բաժնետերը Հայկ Սիմոնյանն է՝ «Դոպինգ» գովազդային գործակալության հիմնադիրը։
Մանրամասները՝ տեսանյութում։
