04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Մախաչկալայի բենզալցակայաններից մեկում արտակարգ պատահարը 30 մարդու կյանք է խլել, ավելի քան 100 վիրավոր կա
Քաղաքականություն
15.08.2023 | 11:28
Մախաչկալայի բենզալցակայանում գիշերը պայթյուն է որոտացել և հրդեհ բռնկվել, որի հետևանքով զոհվել է 30, վիրավորվել՝ ավելի քան 100 մարդ։ Զոհվածների թվում առնվազն երեք երեխա կա։ Նախնական տվյալներով՝ պայթյունը տեղի է ունեցել գազալցակայանի մոտ գտնվող ավտոտեխսպասարկման շենքում, հետո կրակը տարածվել է դեպի բենզալցակայան։ Պայթյունի պատճառը դեռ հայտնի չէ, գրում է BBC-ի ռուսական ծառայությունը։ Պայթյունը տեղի է ունեցել տեղական ժամանակով 21։50-ի սահմաններում Նովոկուլի գյուղի Կուլինսկայա փողոցի և Դաշնային մայրուղու խաչմերուկում՝ Մախաչկալայի ելքի մոտ։
Քննչական կոմիտեն քրեական գործ է հարուցել, իսկ մարզային դատախազությունը հայտնել է, որ հետաքննություն է սկսել՝ պարզելու, թե որքանով են պահպանվել հրդեհային և արդյունաբերական անվտանգության օրենքով սահմանված պահանջները։
Փրկարարները տեղում շարունակում են աշխատանքները։ Օգոստոսի 15-ը Դաղստանում սգո օր է հայտարարված։
