12.03.2026 | 23:35
Վթար Երասխ-Երևան ավտոճանապարհին․ կան տուժածներ
Ադրբեջանի կողմից ԼՂ-ին առաջին անհրաժեշտության ապրանքների մատակարարման արգելափակումը ցեղասպանություն է. Օկամպո
Քաղաքականություն
12.08.2023 | 12:02
Միջազգային քրեական դատարանի նախկին դատախազ Լուիս Մորենո Օկամպոն հայտարարել է, որ Ադրբեջանի կողմից ԼՂ-ին առաջին անհրաժեշտության ապրանքների մատակարարման արգելափակումը պետք է դիտարկվի որպես ցեղասպանություն։
«Ադրբեջանի կողմից Հայաստանը և Լեռնային Ղարաբաղը կապող Լաչինի միջանցքի շրջափակումը, տեղի բնակչության համար սննդի, վառելիքի, դեղորայքի և առաջին անհրաժեշտության այլ ապրանքների արգելափակումը պետք է դիտարկվի որպես ցեղասպանություն»,- X-ի (նախկին Twitter-ի) իր միկրոբլոգում գրել է Օկամպոն՝ հեշտեգում նշելով՝ #StopArmenianGenocide2023 և հիպերլինկերով հղում կատարել հայկական արմատներով ամերիկացի հեռուստաաստղ Քիմ Քարդաշյանին և պրոդյուսեր Էրիկ Էսրայելյանին:
Օկամպոն սոցցանցում նաև տեսանյութ է հրապարակել ու կարծիք է հայտնել, որ ԱՄՆ պետքարտուղար Էնթոնի Բլինքենն է այն մարդը, որը կարող է փոխել իրավիճակը, ստիպել դադարեցնել Լեռնային Ղարաբաղի շրջափակումը:
The blockade of food, oil, medicine, and other essential goods to a protected group should be considered a genocide: Azerbaijan’s Blockade of the Lachin Corridor Between #Armenia and Nagorno-Karabakh #StopArmenianGenocide2023 @KimKardashian @esrailian pic.twitter.com/SSomzmg54m
— Luis Moreno Ocampo (@MorenoOcampo1) August 11, 2023
