25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ԵԱՀԿ գործող նախագահը մտահոգություն է հայտնել Լաչինի միջանցքի շուրջ ստեղծված իրավիճակի կապակցությամբ ու Երևանին և Բաքվին կառուցողական երկխոսության կոչ արել
Քաղաքականություն
10.08.2023 | 20:14
ԵԱՀԿ գործող նախագահ, Հյուսիսային Մակեդոնիայի ԱԳ նախարար Բուջար Օսմանին առանձին հեռախոսազրույցներ է ունեցել Ադրբեջանի արտաքին գործերի նախարար Ջեյհուն Բայրամովի և Հայաստանի արտաքին գործերի նախարար Արարատ Միրզոյանի հետ։ Այս մասին տեղեկանում ենք ԵԱՀԿ-ի տարածած հաղորդագրությունից։
«Նախարար Օսմանին իր մտահոգությունն է հայտնել Լաչինի միջանցքի շուրջ ստեղծված իրավիճակի և խաղաղ բնակչության, մասնավորապես՝ խոցելի խմբերի, այդ թվում՝ կանանց և երեխաների վրա դրա ազդեցության վերաբերյալ։ Ընդգծելով, որ ուշադիր հետևում է իրավիճակին՝ նա կրկնել է կառուցողական և արդյունավետ երկխոսության իր կոչը որպես կայուն լուծումների ուղի՝ ի շահ հակամարտությունից տուժած բնակչության։
Նախագահ Օսմանին ընդգծել է, որ պետք է գերակայեն մարդասիրական նկատառումները և մարդկանց անմիջական կարիքները։ Նա առաջարկել է ԵԱՀԿ գործիքներն ու վստահության ամրապնդման միջոցները՝ որպես Հայաստանի և Ադրբեջանի միջև հարաբերությունների կարգավորման և վստահության ամրապնդման լուծումների մաս»,- մասնավորապես, ասվում է հաղորդագրությունում։
ԵԱՀԿ գործող նախագահը նաև պատրաստակամություն է հայտնել շարունակել իր անձնական և ակտիվ ներգրավվածությունը կողմերի հետ։
