15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Մեր պահանջն է Ադրբեջանին՝ դադարեցնել սովը որպես քաղաքական գործիք օգտագործել Լեռնային Ղարաբաղի ժողովրդի դեմ. Էդմոն Մարուքյան
Քաղաքականություն
08.08.2023 | 21:02
ՀՀ հատուկ հանձնարարություններով դեսպան Էդմոն Մարուքյանը թվիթերյան գրառմամբ անդրադարձել է Ադրբեջանի նախագահի հատուկ հանձնարարություններով ներկայացուցիչ Էլչին Ամիրբաևի՝ ֆրանսիական Le Monde-ին տված հարցազրույցին, որում վերջինն ադրբեջանական քարոզչական թեզերն է հնչեցրել Արցախի շրջափակման առնչությամբ։
«Ամիրբաևը հարցազրույցում անկեղծորեն խոստովանել է, որ Ադրբեջանը փակել է Լաչինի միջանցքը և սովի զենքը օգտագործում է որպես քաղաքական գործիք Լեռնային Ղարաբաղի ժողովրդի դեմ։ Մենք վերահաստատում ենք մեր պահանջն Ադրբեջանին՝ դադարեցնել սովը որպես քաղաքական գործիք օգտագործել Լեռնային Ղարաբաղի ժողովրդի դեմ՝ ստիպելու համար ընդունել իր պայմանները, ինչը մարդկության դեմ հանցագործություն է»,- գրել է Մարուքյանը։
Նա նաև ևս մեկ անգամ կոչ է արել վերջ տալ Լաչինի միջանցքի շրջափակմանը։
Էմմա Չոբանյան
