Հասարակություն
08.08.2023 | 14:16
Օգոստոսի 7-ին, ժամը 13.05-ին, ՆԳՆ ոստիկանության օպերատիվ կառավարման կենտրոն զանգած կինը հայտնել է, որ Նոր Արեշի 19-րդ փողոցում անհայտ անձինք ձեռքերով հարվածներ են հասցրել ամուսնուն՝ պատճառելով մարմնական վնասվածքներ, այնուհետև վերցրել են նրա բջջային հեռախոսը և հեռացել․ տեղեկացնում են ՆԳՆ ոստիկանությունից։
Ոստիկանության Էրեբունու բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ նշված հասցեում տեղի ունեցած վիճաբանության ժամանակ չորս երիտասարդներ հարվածներ են հասցրել 36-ամյա տղամարդուն, որի ընթացքում 22-ամյա երիտասարդը վերցրել է նրա գրպանից ընկած հեռախոսը:
Հետագա միջոցառումների ընթացքում Վիլնյուսի փողոցի շենքերից մեկի մոտ 22-ամյա երիտասարդը հայտնաբերվել, ձերբակալվել և ներկայացվել է քննչական բաժին, իսկ 18-ամյա երիտասարդը ներկայացել է բացատրական աշխատանքի արդյունքում:
22-ամյա երիտասարդի մոտ բջջային հեռախոսը հայտնաբերվել է:
Ձեռնարկվում են միջոցառումներ՝ մյուս երկու մասնակցին հայտնաբերելու ուղղությամբ:
Նախաձեռնվել է քրեական վարույթ:
