09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Վնուկովոյում ձերբակալել են 2 կիլոգրամանոց ոսկե շղթայով Հայաստանի քաղաքացու, որը փորձել է այն տեղափոխել Թուրքիա․ ԼՈՒՍԱՆԿԱՐՆԵՐ
Հասարակություն
07.08.2023 | 14:33
Մոսկվայի «Վնուկովո» օդանավակայանում մաքսավորները ձերբակալել են Թուրքիա թռչող Հայաստանի 32-ամյա քաղաքացուն, որը փորձել է 2 կիլոգրամանոց ոսկյա շղթա տեղափոխել։ Այս մասին հայտնում է Ռուսաստանի Դաշնային մաքսային ծառայության մամուլի ծառայությունը, գրում է ՏԱՍՍ-ը։
Նշվում է, որ տղամարդը մաքսավորների ուշադրությունը գրավել է «կանաչ» միջանցքով անցնելիս։ Ըստ պաշտոնական հաղորդագրության՝ նա եղել է եղանակին ոչ համապատասխան հագնված և շատ անհանգիստ շարժումներ է արել։ Ուղևորի մոտ տեսուչները հայտնաբերել են դեղին մետաղական շղթա։ Նա հայտարարել է, որ առարկան ամենօրյա օգտագործման է, որը ձեռք է բերել 50,000 ռուբլով։
Մաքսային փորձաքննությունը պարզել է, որ շղթան 999 հարգի ոսկուց է, իսկ արժեքը կազմում է շուրջ 9 մլն ռուբլի։
Ուղևորին, որի ինքնությունը չի բացահայտվում, սպառնում է մինչև 7 տարվա ազատազրկում մաքսանենգության համար։
