16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Արցախի հարցում Ալիևը պետք է հաշվի նստի ՆԱՏՕ-ի հետ․ Արա Պապյանը՝ վարչապետի բրյուսելյան այցի մասին․ ՏԵՍԱՆՅՈՒԹ
12.07.2018 | 13:50
Բրյուսելում նախատեսված 11 հանդիպումների մեծ մասը եվրամիության կառույցների հետ են, և վարչապետի այս այցը շատ կարևոր է դեպի Եվրոպայի սիրտը։
Այս մասին այսօր «ՆԱՏՕ, Եվրամիություն, Արցախ. ի՞նչ ակնկալել վարչապետ Փաշինյանի բրյուսելյան այցից» թեմայով քննարկման ժամանակ ասաց «Մոդուս Վիվենդի» կենտրոնի նախագահ, արտակարգ ու լիազոր դեսպան Արա Պապյանը։
«Հանդիպումներից հետո վերաբերմունքը մեր պատվիրակության նկատմամբ ընդգծված դրական է, որը ցույց է տալիս վերաբերմունքը նաև Հայաստանում կատարված փոփոխությունների նկատամամբ։ Իմ ակնկալիքները բավականին շատ են այն առումով, որ սա մեզ այլընտրանքներ կերտելու հնավարություն կտա, այլընտրանք, ոչ թե փոխարինող։ Այն անվտանգային հարաբերությունները, որոնք մենք ունենք ՌԴ-ի հետ անհրաժեշտ է խորացնել նաև ՆԱՏՕ-ի հետ»,-ասաց նա։
Արա Պապյանն ընդգծեց, որ այս հանդիպումների արդյունքը մենք կզգանք մի փոքր ուշ, երբ ակնհայտ կլինի, որ նման կարևորագույն կառույցներն իրենց բյուջեներում կատարել են որոշակի փոփոխություններ՝ ՀՀ-ին օգնություն ցույց տալու համար։
Դեսպանը նաև կարևորեց ՆԱՏՕ-ի՝ խաղաղ միջոցներով Արցախի հարցը լուծելու վերաբերյալ հայտարարությունը․ «Ալիևը պետք է հաշվի նստի այս կարևորագույն կառույցի դիրքորոշման հետ, ՆԱՏՕ-ի 29 պետությունների պաշտոնական հայտարարություն էր սա»,-ասաց Արա Պապյանը՝ շեշտելով, որ այս այցը կնպաստի տարածաշրջանում ավելի կայուն վիճակի հաստատմանը։
Մանրամասները՝տեսանյութում։
