14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Էդգար Հովհաննիսյանն ընտրվեց ԲԴԽ անդամի պաշտոնում
Քաղաքականություն
04.08.2023 | 19:05
Դատավորների ընդհանուր ժողովը քիչ առաջ ամփոփեց ԲԴԽ դատավոր անդամի քվեարկության արդյունքները Ըստ այդմ` ԲԴԽ դատավոր անդամ ընտրվեց Էդգար Հովհաննիսյանը:
Ամփոփվեցին նաև դատավորների գործունեության գնահատման հանձնաժողովի ընտրության արդյունքները, որի համաձայն՝ հանձնաժողովի անդամ տրվեց Սարգիս Երիցյանը:
Նշենք, որ այսօր հրավիրված ժողովի օրակարգում 2 հարց է եղել` ԲԴԽ դատավոր անդամի ընտրությունը, որի համար առաջադրվել էին մարզային դատարանների երեք դատավոր` Էդգար Հովհաննիսյանը, Սուրեն Մնոյանը և Վարդուհի Հովնանյանը:
Օրակարգի հաջորդ հարցը դատավորների գործունեության գնահատման հանձնաժողովի անդամի ընտրությունն է: հանձնաժողովի անդամի թեկնածուները երկուսն էին Սարգիս Երիցյան և Գեղամ Մարգարյան:
Թեև օրակարգում ներառված չի եղել, բայց դատավորների մեծամասնության ջանքերով օրակարգում ընդգրկվել է նաև ԲԴԽ դատավոր անդամների ետ կանչման հնարավորության վերաբերյալ նախագիծ մշակելու հարցը:
Նախնական պայմանավորվածություն է ձեռք բերվել ստեղծել նախագծի վրա աշխատող հինգ հոգանոց խումբ:
Նշենք, որ նախորդ ժողովի ընթացքում դատավոր Մխիթար Պապոյանն էր առաջ քաշել ետ կանչման օրենսդրական նախաձեռնության հարցը:
Արաքս Մամուլյան
