05.08.2026 | 09:41
Ճամբարակում գազամատակարարման ընդհատումներ կինեն
Քաղաքացիները փակել են ԿԽՄԿ հայաստանյան գրասենյակի մուտքերն ու ելքերը
03.08.2023 | 10:45
Առավոտից մի խումբ քաղաքացիները փակել են Կարմիր խաչի միջազգային կոմիտեի հայաստանյան գրասենյակի մուտքերն ու ելքերը: Ակցիան իրականացվում է հուլիսի 29-ին Հակարիի կամրջի անցակետից ադրբեջանցիների կողմից առևանգված Վագիֆ Խաչատրյանի դստեր` Վերա Խաչատրյանի գլխավորությամբ:
Հիշեցնենք, որ Վագիֆ Խաչատրյանն առևանգվել էր ԿԽՄԿ ներկայացուցիչների ներկայությամբ, որից հետո Խաչատրյանն ընտանիքի հետ կապ չի հաստատել: Երեկ Վերա Խաչատրյանը պահանջել էր ԿԽՄԿ-ից, որպեսզի հոր հետ տեսակապ ապահովեն, քանի որ նրանից որևէ լուր չունեն: Մինչ այս պահը, սակայն, պահանջը չի իրականացվել այդ պատճառով էլ քաղաքացիները արգելափակել են գրասենյակի մուտքերը:
Հավելենք նաև, որ ՄԻԵԴ-ը պարտավորեցրել է Ադրբեջանին մինչև օգոստոսի 8-ը տեղեկատվություն տրամադրել Վագիֆ Խաչատրյանի վերաբերյալ։ Ադրբեջանը պարտավոր է դատարանին տեղեկություններ հայտնել Խաչատրյանի գտնվելու վայրի, պահման պայմանների, առողջական վիճակի, ստացած բուժօգնության և հնարավոր վերադարձի մասին:
Արփի Հակոբյան
