15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
Զախարովան անդրադարձել է Հայաստանից ուղարկված հումանիտար բեռը ԼՂ չհասնելու մասին հարցին
02.08.2023 | 15:13
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Հայաստանից ուղարկված հումանիտար բեռների շարասյանը, որն այդպես էլ հնարավոր չէ հասցնել Արցախ։
«Ռուս խաղաղապահ զորախումբը ակտիվորեն ներգրավվել է հարցը լուծելու համար և կապեր հաստատել երկու կողմերի հետ։ Այդ ֆոնին ռուս խաղաղպահների վերաբերյալ մեղադրանքները ոչ կառուցողական են, չեն արտացոլում մեր խաղաղապահների իրական ներդրումը տեղում իրավիճակի կայունացման համար։ Կապերը հաստատվել են,կարծում եմ դա կտա իր արդյունքը»,-հայտարարել է Զախարովան։
Հավելենք, որ հուլիսի 26-ից Հայաստանից ուղարկված առաջին անհրաժեշտության ապրանքներով 19 բեռնատարները կանգնած են Կոռնիձորի սահմանային հատվածում, որոնց Բաքուն չի թողնում հասցնել պաշարման մեջ գտնվող Արցախ։ 19 բեռնատարները բեռնված են 60 տոննա շաքարավազով, 40 տոննա ձեթով, 100 տոննա ալյուրով, 80 տոննա մակարոնեղենով, 20 տոննա աղով, 12 տոննա մանկական սնունդով, 40 տոննա կաթի փոշիով, 9 տոննա դեղորայքով։
Էմմա Չոբանյան
