29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Նախարարները դեռ պետք է «քննություն» հանձնեն․ գրական դաշտում ցանկանում են ընթացք տալ Կառավարության «գրքառատ» ակցիային. ՏԵՍԱՆՅՈՒԹ
Մշակույթ
11.07.2018 | 20:59
Հուլիսի 10-ին Հայաստանի կառավարության նիստը գրքառատ էր։ Վարչպետ Նիկոլ Փաշինյանը հայտարարեց, որ «Անտարես» հրատարակչությունից գրքեր են նվեր ստացել։
Նրա խոսքով՝ ակցիայի նպատակը ընթերցանությունը խթանելն է, հատկապես՝ Կառավարության անդամների շրջանակում։ Նիկոլ Փաշինյանը հույս հայտնեց, որ Կառավարության անդամները կկարողանան իրենց աշխատանքն այնպես կազմակերպել, որ գեղարվեստական ընթերցանությանը բավարար ժամանակ հատկացնեն։
Հրաչյա Սարիբեկյանի «Երկվորյակների արևը», Վահրամ Մարտիրոսյանի «Սերը Մոսկվայում», Գրիգի «Հիսուսի կատուն» և այլ ստեղծագործություններ հայտնվեցին նախարարների սեղանին։
Առաջին փոխվարչապետ Արարատ Միրզոյանը կոչ արեց ոչ միայն նվիրել, այլ նաև կարդալ գրքերը։
Գրականագետ, «Անտարես» հրատարակչության գլխավոր խմբագիր Արքմենիկ Նիկողոսյանը Factor.am-ի հետ զրույցում շեշտում է՝ իրենք մշտապես դժգոհել են նախորդ կառավարության հակագրքային մոտեցումներից։
Նրա խոսքով՝ նախորդ Կառավարությունը ոչ միայն չի օժանդակել, այսպես ասած, գրքամետ քաղաքականությանը, այլև արգելակել է այն։
Գրականագետի համոզմամբ՝ երկրի ղեկավարը պետք է կարողանա գրքի հանդեպ ունեցած իր վերաբերմունքով ոգեշնչել հասարակությանը և վերականգնել կորցրած արժեքները։
Արձակագիր Գրիգն էլ շեշտում է հատկապես ժամանակակից գրականությունը կարևորելու և տարածելու միտումը։
Գրիգը հույս ունի, որ Հայաստանում մշակութային նոր իրականություն է ստեղծվում, որտեղ գիրքն ունենալու է իր ուրույն տեղը։
Արձակագիրը կողմ է, որ որոշ ժամանակ անց հնարավորություն ստեղծվի ընթերցասեր հանրության, գրողների և Կառավարության անդամների մասնակցությամբ քննարկում կազմակերպել և պարզել՝ նախարարներից ով է կարդացել իրեն բաժին ընկած գիրքը և ինչ կարծիք ունի դրա մասին։
Մանրամասները՝ տեսանյութում։
Աննա Բաբաջանյան
