Հայաստանում հավատարմագրված դիվանագիտական կորպուսի և միջազգային կառույցների ներկայացուցիչները Կոռնիձորում են՝ հումանիտար ավտոշարասյան հատվածում։ Նրանք Սյունիք են մեկնել ՀՀ արտգործնախարարության և կառավարության հրավերով։
Երրորդ օրն է՝ առաջին անհրաժեշտության ապրանքներով 19 բեռնատար կանգնած է Կոռնիձորի սահմանային հատվածում: Հումանիտար օգնությունը ԼՂ տեղափոխելու հարցում դեռ տեղաշարժ չկա:
ԼՂ-ում հումանիտար ճգնաժամի կառավարման աշխատանքային խումբը հուլիսի 25-ին էր որոշում կայացրել պաշարման մեջ գտնվող Արցախ հումանիտար օգնություն ուղարկել, իսկ ճգնաժամային խմբի ներկայացուցիչը նշել էր, որ ռուսական խաղաղապահ զորախմբի հետ կապի մեջ են։ Վարդան Սարգսյանը երեկ երեկոյան, սակայն, նշել էր, որ ռուսական կողմից դեռ պատասխան չեն ստացել։
Մինչև ճանապարհ ընկնելը բեռնատարները Երևանում բացվել էին օտարերկրյա դիվանագետների ներկայությամբ, դեսպանները ծանոթացել էին ապրանքատեսակներին։
