04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Արթուր Թովմասյանը հրաժարականի դիմում կներկայացնի Արցախի ԱԺ նախագահի պաշտոնից
28.07.2023 | 12:15
Արցախի Ազգային ժողովի նախագահ Արթուր Թովմասյանը հրաժարական է կներկայացնի։ Այս մասին տեղեկանում ենք ԱՀ ԱԺ ֆեյսբուքյան էջցի։
«Սիրելի´ հայրենակիցներ
Իմ անձնական որոշմամբ քաղաքական պատասխանատվություն եմ վերցնում՝ հեռանալու Ազգային ժողովի նախագահի պաշտոնից, բայց միշտ հավատարիմ կմնամ 1991 թվականին մեր ժողովրդի կողմից հանրաքվեով ընդունված գաղափարին:
Մինչև վերջին շունչս ծառայելու եմ Հայաստանի Հանրապետությանը և նրա ժողովրդին, Արցախի Հանրապետությանը և նրա ժողովրդին:
Աստված պահապան Հայաստան աշխարհին:Վաղը կներկայացնեմ հրաժարականի դիմում»,- նշված է գրառման մեջ:
Հիշեցնենք՝ հուլիսի 26-ին Արցախի ԱԺ պետաիրավական հարցերի մշտական հանձնաժողովը հավանություն էր տվել «Ազգային ժողովի կանոնակարգ» օրենքում առաջարկվող փոփոխություններին։ Ըստ գործող կարգավորումների Ազգային ժողովի նախագահի թեկնածուներն առաջադրվում են՝ Ազգային ժողովի նախագահի պաշտոնը թափուր մնալուց հետո՝ տասնօրյա ժամկետում, առաջարկվել է սահմանել երկօրյա ժամկետ: Ազգային ժողովի նախագահի պաշտոնը թափուր մնալու դեպքում նրա ընտրության հարցը քննարկվում էր թեկնածուների առաջադրման ժամկետը լրանալուց հետո` Ազգային ժողովի առաջիկա հերթական նիստում: Ազգային ժողովի առաջիկա հերթական նիստ գումարելը ստեղծված պայմաններում կարող է բավականին երկար տևել, ուստի առաջարկվում է հարցը քննարկել առաջիկա նիստում: Քննարկված օրինագիծն արժանացել է գլխադասային հանձնաժողովի հավանությանը:
