13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Արցախի ԱԺ-ն կոչ է անում ճանաչել ԼՂ անկախությունը. Բորելը` Լաչինը բացելու պահանջի մասին. Լուրեր
27.07.2023 | 18:19
- Եվրոպական Միությունը Ադրբեջանի իշխանություններին կոչ է անում բացել Լաչինի միջանցքը և նշում, որ Աղդամով Լեռնային Ղարաբաղի ժողովրդին ապրանքներ մատակարարելու Ադրբեջանի պատրաստակամությունը չպետք է լինի Լաչինի միջանցքի վերաբացման այլընտրանք։ Այս մասին ասված է ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հայտարարության մեջ: Նա նշել է, որ Լաչինի միջանցքով երթևեկությունը ավելի քան յոթ ամիս է` դժվարացել է` չնայած այն վերաբացելու՝ Արդարադատության միջազգային դատարանի վճռին։
- Արցախի խորհրդարանը հայտարարություն է տարածել, որով ՄԱԿ-ի անդամ պետություններին կոչ է անում ճանաչել Լեռնային Ղարաբաղի (Արցախի) Հանրապետության անկախությունը։ Նշվում է, որ վերահաս ողբերգությունը կանխելու միակ միջոցը Լեռնային Ղարաբաղի (Արցախի) Հանրապետության անկախության ճանաչումն է՝ Ճանաչում հանուն փրկության սկզբունքի հիման վրա։
- Հայաստանը համապատասխան օղակներով դիմել է Ադրբեջանին և ռուս խաղաղապահներին հումանիտար օգնությունը ԼՂ հասցնելու հարցով։ Այս մասին հայտնել է ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
Այս ժամի լուրերը՝ տեսանյութում։
