24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Չենք կարող թույլ տալ, որ մարդասիրական ճգնաժամը ծավալվի․ Լիտվայի ԱԳՆ-ն՝ Արցախում իրավիճակի մասին
Քաղաքականություն
27.07.2023 | 12:47
Լիտվայի ԱԳՆ-ն արձագանքել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելի հայտարարությունը Արցախում հումանիտար տիրող իրավիճակի ու Ադրբեջանի կողմից Լաչինի միջանցքի բացմանը խոչընդոտելու վերաբերյալ։
«Մենք կոչ ենք անում բոլոր պատասխանատու կողմերին՝ թույլ տալ Ղարաբաղի բնակչությանը ցուցաբերել կարևոր մարդասիրական օգնություն և ապահովել անարգել տեղաշարժը Լաչինի միջանցքով՝ Արդարադատության միջազգային դատարանի հրամանին համապատասխան։ Մենք չենք կարող թույլ տալ, որ մարդասիրական ճգնաժամը ծավալվի»,- ասվում է գերատեսչության թվիթերյան գրառման մեջ։
Հավելենք, որ Բորելն Ադրբեջանի իշխանություններին կոչ էր արել բացել Լաչինի միջանցքը և նշել, որ Աղդամով Լեռնային Ղարաբաղի ժողովրդին ապրանքներ մատակարարելու՝ Ադրբեջանի պատրաստակամությունը չպետք է լինի Լաչինի միջանցքի վերաբացման այլընտրանք։
Հիշեցնենք, որ Երևանից Արցախ ուղևորված մարդասիրական բեռների շարասյանն Ադրբեջանի իշխանությունները թույլ չեն տալիս Լաչինի միջանցքով մուտք գործել Լեռնային Ղարաբաղ։
Էմմա Չոբանյան
