15.09.2026 | 15:02
Ենթադրաբար, Հայկ Սարգսյանը կհեռացվի կուսակցությունից նկատողության պարագայում. Ալեքսանյան․ ՏԵՍԱՆՅՈՒԹ
Բեռնատարները Կոռնիձորում են. սպասում են ռուս խաղաղապահների արձագանքին
Քաղաքականություն
26.07.2023 | 19:38
Արցախ հումանիտար օգնություն տեղափոխող բեռնատարներն արդեն Կոռնիձորում են։ Լուրերի հետ զրույցում հայտնել է ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը։ Նրա փոխանցմամբ՝ Կոռնիձոր հասնելուց հետո կապ են հաստատել ռուս խաղաղապահների հետ և այժմ առաջ շարժվելու համար սպասում են արձագանքի։
Ստացե՞լ են, արդյոք, ազդակներ ռուս խաղաղապահներից, որ կկարողանան բեռն անցկացնել, Սարգսյանը չհստակեցրեց, ասաց՝ այլ մանրամասներ կհայտնեն ռուսական խաղաղապահ առաքելության արձագանքից հետո։
Արցախ հումանիտար օգնություն տեղափոխելու որոշում երեկ երեկոյան կայացրել է ՀՀ Կառավարությունը՝ վարչապետի որոշմամբ ստեղծված Լեռնային Ղարաբաղում հումանիտար ճգնաժամի պայմաններում ԼՂ ժողովրդին աջակցության կառավարման աշխատանքային խմբի հերթական նիստում։
Արցախ առաջին անհրաժեշտության ապրանքների տեղափոխման Կառավարության որոշմանն արձագանքել են Ադրբեջանից՝ այն որակելով սադրանք։
