26.06.2026 | 16:09
Ինչ-որ մեկը գնահատե՞լ է՝ ինչ ազդեցություն է ունեցել Թրամփի կամ Մակրոնի աջակցությունը․ Վարդևանյան. ՏԵՍԱՆՅՈՒԹ
Շուրջ 20 բեռնատար շարժվեց դեպի Կոռնիձոր․ ՀՀ կառավարությունը Արցախ հումանիտար օգնություն է ուղարկում
26.07.2023 | 12:02
19 բեռնատար այսօր Երևանից շարժվեց դեպի Կոռնիձոր այնտեղից ռուս խաղաղապահների միջոցով մոտ 400 տոննա հումանիտար բեռը Արցախ հասցնելու նպատակով։ Որոշումը երեկ երեկոյան կայացրել է ՀՀ վարչապետի որոշմամբ ստեղծված ԼՂ-ում հումանիտար ճգնաժամի կառավարման աշխատանքային հերթական նիստում։
«Դիմել ենք ՌԴ խաղաղապահ ուժերին հումանիտար բեռը Արցախ տեղափոխելու նպատակով»,- լրագրողների հետ զրույցում հայտարարեց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը՝ առանց հստակեցնելու, թե ինչպես են արձագանքել ՌԴ խաղաղապահները հայկական կողմի այս նախաձեռնությանը, միայն ասաց՝ ռուս խաղաղապահների հետ մշտական կապի մեջ են։
Արցախ առաջին անհրաժեշտության ապրանքների տեղափոխման կառավարությանը որոշմանը երեկ արձագանքել էին Ադրբեջանից՝ այն որակելով սադրանք։
Հայաստանցի պաշտոնյան մինչդեռ հակադարձում է՝ առաջնային նպատակը հումանիտար բեռների տեղափոխումն է։
«Չեմ կարծում, որ ԼՂ սովի, ճգնաժամի պայմաններում հումանիտար բնույթի ապրանքների տեղափոխումը կարելի է սադրանք որակել,- հավելեց Սարգսյանը՝ հույս հայտնելով, որ բեռնատարները առանց խնդիրների տեղ կհասնեն։
Արցախ ուղարկված օգնությունը պարունակում է 60 տոննա շաքարավազ, 40 տոննա ձեթ, 100 տոննա ալյուր, 80 տոննա մակարոնեղեն, 20 տոննա աղ, 40 տոննա կաթի փոշի, 12 տոննա մանկական սնունդ,9 տոննա դեղորայք:
