15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
ԵՄ-ն լրջորեն է վերաբերվում Կարմիր խաչի զգուշացումներին ԼՂ-ի հետ կապված․ Տոյվո Կլաար
Քաղաքականություն
26.07.2023 | 12:40
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարն անդրադարձել է Կարմիր Խաչի միջազգային կոմիտեի ահազանգին Արցախում վատթարացող հումանիտար իրավիճակի հետ կապված։
«ԿԽՄԿ-ն հսկայական աշխատանք է կատարում շատ դժվար պայմաններում: Կարևոր է, որ նրանք կարողանան ազատ գործել։ ԵՄ-ն լրջորեն է վերաբերվում նրանց զգուշացումներին»,- ասվում է Կլաարի թվիթերյան գրառման մեջ։
Հիշեցնենք՝ Կարմիր Խաչի միջազգային կոմիտեն հայտարարություն էր տարածել Արցախում ստեղծված ծանր հումանիտար իրավիճակի մասին։
«Չնայած համառ ջանքերին՝ Կարմիր Խաչի միջազգային կոմիտեն ներկայում ի վիճակի չէ մարդասիրական օգնություն հասցնել խաղաղ բնակչությանը Լաչինի միջանցքով կամ այլ ուղիներով, ներառյալ՝ Աղդամը: Կազմակերպությունը կոչ է անում համապատասխան որոշում կայացնողներին թույլ տալ ԿԽՄԿ-ին՝ վերսկսել իր էական մարդասիրական գործողությունները տարածքում»,- ասվում է հայտարարության մեջ։
Էմմա Չոբանյան
