16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԼՂ-ում իրավիճակը մոտ է իրական հումանիտար ճգնաժամի․ վիճակը ժամ առ ժամ վատթարանում է․ Միրզոյանը՝ Մոսկվայում․ ՏԵՍԱՆՅՈՒԹ
Քաղաքականություն
25.07.2023 | 18:46
Մոսկվայում մեկնարկել են Հայաստանի, ՌԴ-ի և Ադրբեջանի ԱԳՆ ղեկավարների եռակողմ բանակցությունները։ Հանդիպման մեկնարկին ՀՀ ԱԳ նախարար Արարատ Միրզոյանը հայտարարել է, որ Լաչինի միջանցքի ապօրինի շրջափակումը բարդացնում է բանակցային գործընթացը։
«Որոշ հարցերում կան կոնկրետ արդյունքներ, որոշներում այդ արդյունքների հասնելու հեռանկարներ, կան նաև խնդրհարույց հարցեր, որտեղ կողմերի դիրքորոշումները շատ հեռու են իրարից։ Մենք կառուցողական ենք տրամադրված և բանակցություններ ենք վարում բոլոր հարթություններում, բոլոր ուղղություններով։ Ցավոք, իրավիճակը տեղում, մասնավորապես՝ Ադրբեջանի կողմից Լաչինի միջանցքի ապօրինի փակումն ու ԼՂ-ի շրջափակումը բարդացնում են բանակցային գործընթացը։ Լեռնային Ղարաբաղում այժմ լրջագույն մարդասիրական ճգնաժամ է։ Ինչպես ես արդեն հնարավորություն եմ ունեցել ասել՝ իրավիճակն այնտեղ շատ մոտ է իրական մարդասիրական ճգնաժամի, իրավիճակը ժամ առ ժամ ավելի է լրջանում․ ԼՂ չի հասնում ո՛չ սննդամթերք, ո՛չ դեղորայք, հիմնականում չկա գազի ու էլեկտրաէներգիայի մատակարարում և այլն։ Նորից նկատեմ, որ, ցավոք, եթե մեզ չհաջողվի լուծում գտնել, և Ադրբեջանը չդադարեցնի Լեռնային Ղարաբաղի շրջափակումը, տեղում մարդասիրական աղետը, իհարկե, իր բացասական ազդեցությունը կունենա բանակցային գործընթացի վրա»,- հայտարարել է Միրզոյանը։
Մանրամասները՝ տեսանյութում։
