04.06.2026 | 17:46
Ալեքսան Ալեքսանյանին օժանդակելու գործով 25 անձ ձերբակալվել է․ ՔԿ
Միրզոյան-Լավրով-Բայրամով հանդիպում կլինի Մոսկվայում․ Արցախից 11 բուժառու է տեղափոխվել ՀՀ․ Լուրեր
24.07.2023 | 17:51
- Մոսկվայում վաղը տեղի կունենան եռակողմ և երկկողմ բանակցություններ Ռուսաստանի, Հայաստանի ու Ադրբեջանի արտաքին գործերի նախարարների մասնակցությամբ։ Հայտնել է ռուսական կողմը։ Նշվում է, որ առանձնահատուկ ուշադրություն է դարձվելու Բաքվի և Երևանի միջև խաղաղության պայմանագրի նախապատրաստմանը, չլուծված հարցերի լուծումների որոնմանը:
- Մինչ այդ, այսօր Հայաստանի ԱԳ նախարար Արարատ Միրզոյանը Իրանում է, որտեղ հանդիպում է ունեցել իրանցի գործընկեր Հոսեյն Ամիր Աբդոլահիանի հետ։ Մինչ հանդիպումների մեկնարկը Իրանի ԱԳՆ խոսնակն այսօրվա ասուլիսին ասել է, որ Թեհրանն աջակցում է Հայաստանի և Ադրբեջանի միջև խաղաղության շուրջ բանակցությունների նոր փուլի անցկացմանը։
- Արցախից այսօր 11 բուժառու է տեղափոխվել Հայաստան ԿԽՄԿ միջնորդությամբ։ Միևնույն ժամանակ մոտ 20 բուժառու Արցախի հիվանդանոցների վերակենդանացման բաժանմունքներում, նրանցից երկուսի վիճակը ծայրահեղ ծանր է։ Վերակենդանացման բաժանմունքներում կան նաև երեխաներ։
- Այսօր ժամը 11:20-ի սահմաններում Արցախի շուրջ գտնվող ադրբեջանական դիրքերից կրակել են Արցախի Շոշ գյուղում տրակտորով գյուղատնտեսական աշխատանքներ կատարող գյուղացու ուղղությամբ։ Արցախի ՆԳՆ-ից հայտնել են, որ մարդկային կորուստներ չեն եղել, գյուղաշխատանքները դադարեցվել են։
Այս ժամի լուրերը՝ տեսանյութում։
